Impresciuns

Tröc dezens d’esperiënza da fá nosc laur, metüs adöm cun les tecnologies plü modernes, i materiai dla miú cualité y la pasciun ch’i un daite por le lëgn – chësta combinaziun de elemënc fej deventé unica la dita Miribung.

Sciöche aziënda familiara por tradiziun, ti unse dagnora dé tröpa importanza al contat personal cun nüsc cliënc, dala pröma incuntada ala consulënza, dala proietaziun ala realisaziun, cina la condüta y l’istalaziun: nos un dessigü n’idea de ciüna che é la miú soluziun por Osc proiet de costruziun!

Da so pere Giovanni, che á metü sö la dita dan passa 50 agn, á Bruno Miribung imparé da pice insö da lauré da artejan, cun savëi, lezitënza y tröpa ligrëza, ci ch’an adora da mené inant la dita cun suzes. Aldedaincö é Miribung n’aziënda dër aprijada y efiziënta, spezialisada da fá finestres, portes y üsc.